Published: Monday, January 27, 2014 19:56
Почина Хосе Емилио Пачеко, мексикански поет и минатогодишен добитник на Златен венец на Струшките вечери на поезијата за 2013 година.
Хосе Емилио Пачеко е роден во Мексико Сити во 1939 година. Предавал книжевност на многу универзитети во Јужна Америка, САД и Канада. Бил член на Мексиканската академија на јазиците. За своето исклучително поетско творештво многукратно е наградуван, а лауреат е и на големата награда „Сервантес“.
Организаторите на Струшките вечери на поезијата напишаа:
„Горди сме на тоа што имавме една таква прекрасна личност и творец за лауреат на најпрестижната светска награда за поезија. Неговото поетско дело ќе продолжи да живее и низ препевот на македонски јазик.“