Лидерот на СДСМ, Зоран Заев, преку видео порака снимена на кровот на ГТЦ, се обрати до граѓаните. Тој ја истакна неговата почит кон граѓаните кои преку протестите го спречија барокот за ГТЦ.
„Ви се обраќам од тука, од кровот на ГТЦ, архитектонско чудо, во срцето на Скопје кое пред пет години го заштитивте вие борците за демократија, граѓаните кои рековте „не“ на режимското лудило. Оддавам почит на граѓанскиот активизам и во учествотово враќањето на слободата“, вели Заев во видеото.
https://www.facebook.com/watch/?v=280389499704468
„Зад мене е македонскиот Парламент, домот на граѓаните. Тука, во април 2017 се случи радикално насилство врз народните претставници, врз демократијата и врз поредокот – падна крв!
А за само три години подоцна, на истото место го кренавме знамето на НАТО и го потврдивме нашето членство во Алијансата.
Ете што значи демократско мнозинство. Со сите премрежја, сите тешки и големи одлуки, мнозинството во ова Собрание ја внесе земјата во НАТО и го донесе најважниот закон за правната држава, Законот за јавното обвинителство. Ново стабилно демократско мнозинство во парламентот ни треба час поскоро“, вели Заев.