Додека претседателот на Собранието Трајко Вељановски распишуваше избори, институциите масовно објавуваат огласи за вработување. На страницата на Агенцијата за администрација со денешен датум се објавени десетина огласи за вработување во државната и јавната администрација. Осум огласи за државни службеници распишале Министерството за правда, Агенција за странски инвестиции, Општина Тетово, Министерството за животна средина, Министерството за образование и наука, Министерството за локална самоуправа и општина Ресен.
Заедно со огласите за државни службеници, се објавувани и огласи за јавни службеници, меѓу нив Агенцијата за вработување, ЈП Државни патишта и неколку градинки од населбите Карпош и Бутел. Само со денешните огласи адинистрацијата ќе се збогати за нови 74 вработени. Министерството за правда бара најмногу службеници – вкупно 34 службеници.
Според македонските закони, сите вработувања треба да запрат на денот на бјавувањето избори. Оваа пракса не се почитуваше на речиси ниту едни избори организирани досега. НОВА посвети цел серијал на изборните вработувања за време на пролетната кампања за локаните избори во 2013 година. Тогаш дури и Антикорупциската комисија застана во одбрана на Владата, давајќи позитивно мислење за вработувања среде избори, иако нејзиниот мандат воопшто и не предвидува такви активности,
– Законот е неприкосновен и вели дека по денот од распишувањето на изборите, се запираат вработувањата, вака се изјасни поранешниот член на Антикорупциската комисија на минатите избори кога НОВА го консултираше за трендот на вработувања за време на избори.
Опозицијата лани реагираше дека овие вработувања се во функција на изборен поткуп на гласачи. Исто како сега, и минатата година на денот на распишувањето избори (11 Јануари), се објавија огласија за вработувања
– Во истиот ден 11 јануари, денот кога се распишаа локалните избори на веб страницата на Агенцијата за администрација објавуваат јавни конкурси за вработувања. На 21 јануари има записник за извршена административна селекција, бурно реагираше опозициската СДСМ.
Владата, пак, постојано велеше дека за сите вработувања се „консултирале“ со Антикорупциската комисија.
-Антикорупциската комисија треба само да го примени законот, а не дава согласности. Тие треба да контролираат, а давањето согласности не е во нивна надлежност, изјави тогаш уште еден поранешен член на Антикорупциската комисија, Вања Михајлова.
Собранискиот спикер Трајко Вељановски денеска на пладне ги распиша претседателските избори – 13 Април е денот кога граѓаните ќе го бираат новиот претседател.