Во неколку фази започна чистењето на речното корито на реката Црн Дрим од устието до вливот во Глобочичко Езеро. Втората фаза која започна го опфаќа делот од „Мостот на поезијата“ до истекот на Црн Дрим, кај Општата болница во Струга, во должина од 765 метри. Според направените анализи, проценетата количина депониран нанос, како што соопшти Општина Струга, е приближно 14.000 кубни метри. Талогот, посочуваат, го намалува капацитетот на проток и прави нееднаква дистрибуција на брзината на водата, а предизвикува голем ризик од поплавување на населените места.
Од ОО СДСМ – Струга соопштуват дека и покрај пандемијата предизвикана од КОВИД-19 не одстапуваат од редовната комуникација со граѓаните и заложбите за решавање на проблемите, се со цел подобрување на условите и зачувување на природните богатства. Оттаму ја поздравуваат акцијата и упатуваат благодарност до сите граѓани, министерства и фирми кои даваат придонес во акцијата за чистење на коритото на Црн Дрим.
„Иако соочени со предизвиците на пандемијата, СДСМ напорно работи на терен со цел да ги подобри условите на граѓаните на централно и локално ниво. Имајќи во предвид дека е едно многу тешко време за сите нас, сепак се трудиме работите да течат што е можно по нормално и континуирано. СДСМ Струга постојано работи на терен и преку разни канали комуницира со граѓаните и се трудиме да ги решаваме проблемите еден по еден.
-Во изминатиот период за прв пат после многу години се започна со чистење на наталожениот материјал на испустот на реката Црн Дрим и речното корито во Струга. Со чистењето ќе се подобри пропусната моќ на коритото и ќе се зголеми капацитетот на собирање на атмосферските води, ова ќе го намали ризикот од поплави. Овој проект е финансиран од Европската унија, а го спроведува УНДП во соработка со Министерството за животна средина и просторно планирање. Откако ќе се заврши со чистење на устието на Дрим каде за промена ќе се овозможат услови за развој на бродскиот сообраќај се продолжува со чистење по течението на реката Црн Дрим.
-Вкупната должина на делот кој ќе се чисти е 765 метри. Според направените анализи, проценетата количина на депониран нанос е приближно 14 000 метри кубни кои придонесуваат за намалување на капацитетот на протокот, нееднаква дистрибуција на брзината и можност за натамошно таложење и предизвикува голем ризик од поплавување на населените места.
-Овој проект е резултат на заеднички напори на Општина Струга, Министерството за животна средина и просторно планирање , АД ЕЛЕМ и АД Водостопанство.
-За да се заврши овој крупен зафат силна поддршка и разбирање дадоа туристичките субјекти и граѓаните за што сакаме да се заблагодариме. Посебна благодарност до ЕЛЕМ, кои во интерес на проектот подолг период го прилагодуваат нивото на водата и производството на електрична енергија според потребите на зафатот. Завршувањето на активностите во оваа фаза се очекува до крајот на октомври овааа година, соопштуваат од партијата.