Власта е целосно разобличена. Груевски и неговата Влада со години ја манипулираат домашната и странска јавност за задолженоста на државата. Затоа е нервозен вицепремиерот и министер за финансии Зоран Ставрески, изјави пред новинарите Кире Наумов од СДСМ.
Тој истакна дека власта ја претставува Македонија како четврта најмалку задолжена земја во споредба со останатите држави во Европа. Што е лага. Груевски и Ставрески долгот на централната влада на Македонија го споредуваат со јавниот долг на останатите држави а не со долговите на нивните централни влади. Што се две сосема различни работи.
Во Законот за јавен долг во член 2. став 2, стои: „Јавен долг е државниот долг и долгот на јавните претпријатија и трговски друштва што се во целосна или доминантна сопственост на државата, општините, општините во градот Скопје и градот Скопје, и на Народната банка на Република Македонија“.
Почитувајќи го овој закон, произлегуваат три факти:
1. Јавниот долг на РМ без долгот на НБРМ, според документот објавен од Министерството за финансии и потпишан од министерот Ставревски на 30.09 2013,
изнесува 40,2% од БДП.
Но вицепремиерот и министер Ставрески не сака да ја изговори оваа бројка. Бидејќи другите не знаеле да читаат, а Ставрески знаел, СДСМ бара од вицепремиерот за финансии само јавно и гласно да ја прочита бројката зад којашто стои со својот потпис.
2. За јавноста да го знае ова, треба некаде да е напишано. Податокот за јавниот долг,
Ставрески го објавува само кога е притиснат да ја објави претпристапната економска програма, односно еднаш годишно како што го направи пред некој ден.
3. За разлика од Владата на РМ, другите влади ги почитуваат законите и меѓународните
методологии и тие го објавуваат својот јавен долг. Кога тоа би го направила и Македонија, таа не би била четврта најмалку задолжена земја, туку на многу пониско место на табелата.
Реакција од ВМРО – ДПМНЕ:
Кире Наумов сам се демантира. Во понеделник излегува и вели јавниот долг е 44 осто од БДП, сега излегува и вели дека јавниот долг е 40, утре ќе излезе и ќе каже дека јавниот долг е 38 итн.
Но подобро е Наумов да каже колку е јавниот долг што го остави СДСМ. Во 2005 година кога заминуваа од власт јавниот долг беше 41,4 отсто. Зошто тоа не го кажува во јавност Кире Наумов?