Ова е Миле Билјановиќ кој ја игра главната улога во филмот „Шегрт Хлапиќ“ на режисерот Силвио Петрановиќ. Миле е најмалиот син на Дарко Билјановиќ самохран родител кој почина пред две недели.
Тој и двете негови сестри сега останаа сами. Продукциската куќа, дистрибутерот на филмот и сите кина во Хрватска доброволно се откажуваат од приходот од прикажувањето на филмот во недела. Акцијата ја организира Хрватскиот аудиовизуелен центар, а парите ќе бидат донирани на Миле и неговите две сестри.
-Акцијата ја организираме за овие деца после смртта на таткото да останат заедно, да можат да го отплаќаат кредитот за станот и да ги остварат своите соништа и соништата на нивниот татко кој беше посветен на своите деца. Сега на овие деца им е потребна подршка од луѓето кои имаат добра воља, се, вели во соопштението на ХАВЦ.
Нивниот починат татко Дарко Билјаниќ, Хрватската јавност го знае како сестран човек, по професија инженер, блогер на интернет, поет, организатор на концерти, готвач и добар пријател.
Зад себе ги остави трите деца 21-годишната Тамара, 18-годишната Надина и 13 –годишниот Миле, кој со одлично ја одигра улогата на Шегрт Хлапиќ и стана вистинска филмска звезда во Хрватска.
Филмот кој досега го гледале повеќе од 135 000 гледачи, ќе се прикажува во 40 кино сали и во сите независни кина во Хрватска, а посетителите ќе ја помогнат оваа хуманитарна акција со секој купен билет.