Published: Monday, May 17, 2021 16:38
Невладината организација Коалиција Маргини го напиша следното на својот Фејсбук профил:
На Меѓународниот ден на борбата против хомофобијата, бифобијата и трансфобијата, а во насока на подобрување на состојбата на ЛГБТИ луѓето во Северна Македонија, ILGA-Europe препорачува:
Воведување закони за говор на омраза кои експлицитно ќе ги покријат сите пристрасно мотивирани злосторства, засновани на сексуална ориентација, родов идентитет, родово изразување и полови карактеристики.
Развивање на фер и транспарентна законска рамка за правно признавање на родот, базирана на процес на самоопределување и ослободена од присилни барања.
Усвојување на Национален акциски план за ЛГБТИ 2021-2025 со инкорпорирани сугестии од страна на граѓанскиот сектор, вклучувајќи ги и предлозите за измена на Законот за семејство, заради препознавање на истополови партнерства и брак.
Според последниот извештај на ILGA Europe, неспорно е дека има подобрување и во политичката волја и во подобрувањето на правната рамка, иако, сѐ уште не можеме да зборуваме за ненасилна средина и за прифаќање на промените низ институциите на системот.