Под мотото „Блесок – за сите нас!“, вечерва, во 20.30 часот, во Клуб-ресторанот во МКЦ, „Блесок“ ќе одбележи шеснаесет години од првиот број на истоименото е-списание за култура и уметност.
Првиот број на „Блесок – литература и други уметности“ излезе на 12 март 1998 година.
Во текот на овие шеснаесет години „Блесок“ објави илјадници песни, раскази, извадоци од романи, драми, есеи, критики и осврти, слики, музики, видеа…
Во рамки на одбележувањето на годишнината со свои текстови ќе настапат некои од авторите чии книги „Блесок“ ги објави во изминатите 16 години – Елизабета Баковска, Румена Бужаровска, Џабир Дерала, Александра Димитрова, Богомил Ѓузел, Јовица Ивановски, Тихомир Јанчовски, Јелена Лужина, Оливера Николова, Михаил Ренџов, Благица Секулоска, Катица Ќулавкова.