Published: Tuesday, June 1, 2021 21:02
Во месец јуни ќе пристигнат околу 110.000 вакцини преку Ковакс системот и 80.000 преку нашиот директен договор со компанијата Фајзер“, изјави вечерва министерот за здравство, Венко Филипче во гостувањето на емисијата „Топ тема“ на ТВ Телма.
Тој наведе дека во моментов за вакцинација се пријавени 180.000 граѓани, кои што чекаат да добијат термин и 40.000 од тие се над 60-годишна возраст.
– Верувам дека во месец јуни ќе спласне притисокот со новите дози. Досега имаме вакцинирано 47 проценти од граѓаните над 70 години, вели Филипче, додавајќи дека вакцините од компанијата Синовак, исто така треба да пристигнат во претстојниот месец, во количина од 500.000 дози.