Published: Saturday, June 26, 2021 19:17
Со неколкучасовна блокада на влезот на автокампот „Градиште“ кај Охрид, поранешните сопственици на имоти на едно од најатрактивните земјиште на брегот на Охридското езеро, бараат парцелите да им бидат вратени.
Парцелите им биле одземени во 1957 година, со конфискација од страна на државата, тврдат луѓето коишто денеска протестираа,
Иако дел од имотот, кој бил во сопственост на МПЦ, со Законот за денационализација црквата успеала да си го врати во 2008 година, но не и 36 семејства со околу 150 наследници.
Тие со децении се обидуваат да дојдат до земјиштето на атрактивни локации, кое според нивните пресметки, вреди над 20 милиони евра. Днеска тие се заканија дека ова е последен мирен протест и најавија порадикални мерки.