Повредени две деца во бомбашки напад на Косово

Две деца се ранети во бомбашки напад во мешавитата населба во Бошњачкото маало во северниот дел на Косовска Митровица.

Децата не се во животна опасност но лекарите ја разгледуваат можноста да ги префрлат во некоја клиника во Белград.

Премиерот Ивица Дачиќ најостро го осуди бомбашкиот напад и порача дека меѓународните сили имаат обврска да им ја гарантираат безбедноста на сите граѓани.

Бомбата била фрлена врз куќа, а повредените деца се од српска националност. Станува збор за момче и девојче на возраст од три и осум години, кои во моментов се хоспитализирани во Здравствениот дом во Косовска Митровица.