Министерството за надворешни работи денеска ги осуди предизборните спотови објавени во Бугарија во кои, како што се посочува, се изразуваат територијални претензии и еднострани чувства за припадност и присвојување кон нашата држава.
-Во напорите за засилување на дијалогот и зацврстување на довербата, сето во функција на унапредување на добрососедските односи, објавувањето на предизборни спотови во кои се изразуваат територијални претензии и еднострани чувства за припадност и присвојување кон друга соседна држава, не е во духот на градење пријателство и почитување на европските вредности, за кои заедно толку многу се заземаме. Очекуваме официјалните претставници на Република Бугарија да се оградат и ги осудат ваквите настапи на една од потенцијалните политички учесници во највисокиот дом на Бугарија, стои во реакцијата на МНР.
Финалниот предизборен спот на партијата на Красимир Каракачанов, ВМРО-БНД, која на последните парламентарни избори во Бугарија не успеа да го мине прагот за освојување пратенички мандати, содржи кадри од Охрид кои би можеле да бидат протолкувани дека поранешниот министер за одбрана на Бугарија ја брани бугарштината дури до Охрид.
https://www.youtube.com/watch?v=djeBODUdEgA