Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Бугарија е „тројанскиот коњ“ на израелскиот шпионски софтвер во мобилните мрежи?!

0
By НОВА ТВ on July 22, 2021 ВЕСТИ, СВЕТ
СПОДЕЛИ
Facebook Twitter LinkedIn Email
Published: Thursday, July 22, 2021 11:05

„Скандалот со „Пегаз“ покажува до кој степен овој софтвер претставува кибер оружје. Достапен е за Владите, но и за други групи поради трговски интереси, а најважно го користат и режимите кои не го признаваат владеењето на правото, како Азербејџан, Мароко и други држави“, појасни во емисијата „Чесно кажано“ бугарскиот истражувачки новинар Атанас Чобанов, кој детално ја откри и „бугарската врска“ во целиот скандал.

-Во Израел се произведува софтверот во фирмата „НСО Груп“, но бугарската компанија „Circles“ е нивен претставник за трети страни. Таа фирма е регистрирана во Бугарија во 2015 година. Претстави си дека имаш оружје, но ти не знаеш како да го најдеш купувачот. За овој софтвер е потребен телефонски број, треба да го лоцираш телефонскиот број, а „Circles“ токму тоа го прави. Тие се имаат регистрирано во Бугарија како виртуелен оператор, што автоматски ги вклучува во истата мрежа каде се и мобилните оператори. Преку истата мрежа тие точно откриваат на која локација е бараниот телефон. И тоа не само за телефони од Бугарија, туку за било која држава, открива Чобанов.

Според новинарот, во зависност од тоа каде се наоѓа телефонскиот број, преку ова „оружје“ може да се испрати скриена порака и преку неа софтверот влегува внатре во телефонот, по што целосно го контролира. Односно, како што вели Чобанов, „Пегаз“ слетува без корисникот на телефонот да забележи нешто.

-Треба да се дознае зошто Бугарија дозволила оваа израелска фирма што се занимава со шпионирање на телефони да се регистрира во Софија како бугарски оператор и да има пристап до мрежите на сите мобилни оператори од целиот свет. За ова да се случи е неопходна лиценца, која е издадена од државата. Ние го внесовме „Пегаз“ како „тројански коњ“, односно поконкретно Бугарија е „тројанскиот коњ“ за израелската фирма, додава новинарот.

Тој открива дека фирмата „Circles“ не само што се уште постои во Бугарија, туку и просперира, зголемувајќи го персоналот од десет на сто и педесет вработени.

-Ова не е првпат израелски компании кои произведуваат слични софтвери и производи да ја искористуваат Бугарија за влез во Европа и други држави. Многу е лесно преку Бугарија да ја направат легитимна  работата како виртуелен оператор во европското пространство, заклучува Чобанов.

Инаку, како што објави угледниот британски весник „Гардијан“ активисти за човекови права, новинари и адвокати од целиот свет, биле цел на авторитарни влади кои користеле софтвер за хакирање кој го продавала израелската компанија за следење „НСО Груп“.

Истрагата спроведена од „Гардијан“ и од 16 други медиумски организации, упатува на широко распространета и континуирана злоупотреба на хакерскиот шпионски софтвер на „НСО“, „Пегаз“, за кој компанијата тврди дека е наменет за користење само против криминалци и терористи.

Анализата на податоците упатува на тоа дека земјата-клиент на „НСО“ што избрала најмногу броеви, повеќе од 15.000 била Мексико. За неа се знаело дека повеќе нејзини државни служби купиле „Пегаз“. И Мароко и Обединетите Арапски Емирати, избрале повеќе од 10.000 броеви, покажува анализата.

Избраните телефонски броеви опфаќале над 45 земји од четири континенти. Од европските земји имало избрано над 1.000 броеви, кои според анализата, биле за клиенти на „НСО“ – над 1.000 француски броеви и околу 500 од Турција. Од Алжир имало избрано околу 6.000 телефонски броеви.

Телефонскиот број на францускиот претседател, Емануеал Макрон и на уште на 13 други претседатели на држави и на Влади, се најдоа на спсокот на шпионскиот софтвер „Пегаз“, објави „Ле Монд“. Според медиумот, Макрон бил селектиран како личност од интерес од Мароко во 2019 година.

Макрон не е таргет на ниту еден од клиентите, тврдат од „НСО Груп“. Компанијата негира дека тој бил избран за шпионирање преку софтверот „Пегаз“, бидејќи според нив со стамото тоа што се појавил на списокот не значи дека бил следен преку софтвер.

Францускиот премиер Жан Кастекс претходно денеска изјави дека францускиот претседател Емануел Макрон побарал серија истраги за случајот со шпионскиот софтвер „Пегаз“.

И актуелниот претседател на Советот на Европската Унија, Шарл Мишел бил селектиран како личност од интерес од Мароко во 2019 година, во период кога беше премиер на Белгија.

Израел формираше тим за истрага на наводната злоупотреба на израелскиот шпионски софтвер „Пегаз“ на глобално ниво. Тимот, предводен од Советот за национална безбедност, му поднесува извештаи на премиерот Нафтали Бенет и има поширок спектар на експертиза од Министерството за одбрана, кое го надгледува извозот на софтверот „Пегаз“ од страна на компанијата „НСО Груп“.

Американската агенција за глобални медиуми е револтирана од извештаите дека над 180 новинари – вклучително и на „Гласот на Америка“ и „Радио Слободна Европа“ наводно биле мета на софистициран шпионски софтвер од воена класа.

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.