Сабина Ајрула Тозија, една од нашите најпознати актерки и доајен на театарската уметност во Македонија, почина на 75-годишна возраст по долго и тешко боледување.
Меѓу позначајните нејзини улоги се Олга во „Чехов“, потоа Гертруда во „Хамлет“ и Фатима во „Солунски патрдии“, а во последните години беше позната и со свое учество во позната турска серија „Величествениот“. Потоа ја играше Лисијен во „Болва во уво“, Костадинка во „Јане Задрогаз“, Џеси во „Добра ноќ мајко“, Лаура во „Татко“, Лени во „Злостори на срцето“ и многу други, а како гостин учествуваше во проекти на Турската драма и на Драмата при МНТ.
Ајрула Тозија ќе остане незаборавен лик од театарската и филмска сцена во земјава и препознатлива со нејзиниот огромен талент и улоги кои оставија траен белег на македонското театарско небо. Во својата долгогодишна кариера соработуваше со повеќе реномирани македонски и странски режисери, а имаше улоги и со многу познати југословенски актери.