Стручните лица наведуваат дека студената вода може негативно да влијае на дигестивниот систем.
Во лето се препорачува да се пие повеќе вода, но многу луѓе прибегнуваат кон студена, па дури и ледена вода, за да се освежат.
Сепак, стручните лица наведуваат дека студената вода може негативно да влијае на дигестивниот систем. Внатрешната телесна температура е околу 36 степени и затоа за нормална работа на телото треба да се пие вода со слична температура. Сахара Роуз, стручњак во областа на традиционалната медицина, смета дека нашето тело троши многу повеќе енергија кога внесуваме ладна вода, оставајќи помалку енергија за умствените функции и крепост на телото.
– Кога внесуваме студена вода во телото, доаѓа до стеснување на крвните садови, додека со пиење топла вода крвните садови се шират. Препорачливо е да се консумира потопла вода – тоа влијае и на варењето на храната, вели д-р Роуз.
Таа, меѓутоа, нагласува и дека ако сте жедни, не е паметно да чекате водата да достигне совршена температура. Хидратацијата е приоритетот, особено додека времето е потопло и за оние кои вежбаат.