Жители од турското маало во Струмица се судрија со полицијата

Пред струмичкиот суд денеска се случи драма, во која цели два часа ситуацијата беше тензична. Стотици жители од турското маало не дозволуваа полициското комбе да излезе од дворот на струмичкиот суд за да ги однесе на издржување казна притвор на двајца жители од нивното маало.

Полицијата рано изутрина ги привела двете лица поради поради повреда на слободата на определување на гласачи. Роднина на приведените за НОВА вели дека полицијата наместо за едно дело ги обвинува за друго. Тој рече дека била пријавена соседска караница за една шахта, а полицијата ги привела под сомнение дека агитирале вчера и терале гласачи да гласаат за опозицијата.

По два часа попречување полициското комбе излезе од дворот на судот во Струмица, а насобраните граѓни сепак дозволија мирно да ги однесат двајцата жители во притвор. НОВА ги праша и тие кои ги имаат пријавено приведените.

Оттаму изјавија дека ги пријавиле заради караница околу шахтата што ја делат двете куќи.

Според полицијата двајцата жители вчера околу 14 часот со закани кон други жители на маалото ги терале да гласаат за опозицијата.