Меѓународната група за човекови права, „Отворено општество“ соопшти учество на 54 странски земји во програмата на ЦИА за приведување и насилно испитување осомничени за тероризам, периодот по нападите на 11 септември 2001 година. Извештајот вклучува 136 жртви на оваа програма, и нивен трансфер преку граници, без законска процедура.
Според извештајот цел на ЦИА било осомничените да бидат сместени во места надвор од досегот на правдата. Вклученоста на странските влади во тајната програма, вели авторката на извештајот, Амрит Синг, значи дека тие исто така ја делат одговорноста за злоупотреба заедно со САД.
„Извештајот покажува дека 54 земји биле соучесници на различни начини, вклучувајќи дозволување тајни затвори на ЦИА на нивна територија, приведување осомничени и нивно трансферирање на различни локации.“
Според неа, 25 земји во Европа и помогнале на ЦИА.
Македонија е меѓу земјите кои дозволиле користење авиони за пренос на осомничените, и за прелетување на територијата.
Оваа програма на ЦИА е тема на жестоки дебати во Соединетите Држави. Од поранешната администрација на претседателот Џорџ Буш велат дека програмата помогнала во заштитата на земјата од натамошни терористички акции.
Претседателот Барак Обама ја забрани, но ги отфрли барањата за национална комисија која би ги истражила злоупотребите.
Џон Бренан, привремен директор на ЦИА, тогаш беше главен на центарот на ЦИА за контратероризам. Тој тогаш за програмата изјави:
„Мислам дека таа е апсолутно важна алатка. Можам да кажам без двоумење дека таа е многу успешна во обезбедувањето разузнавачки податоци кои придонесуваат за спасување човечки животи.“
Во декември Европскиот суд за човекови права пресуди дека Скопје ги повреди правата на германскиот државјанин Калед ел Масри пред тој да биде префлен на тајно место во Авганистан.