Ѓулистана Марковска влезе во градоначалничката трка во Кисела Вода

Граѓанското движење на ЛДП и ДОМ денес ја промовира кандидатурата на Ѓулистана Марковска, за градоначалник на Кисела Вода.

-Таа е првата жена кандидат за градоначалник во Кисела Вода на овие избори и првата жена кандидат во скопските општини предложени од политичка партија. Граѓанското движење на ЛДП и ДОМ на дело покажува дека води смета за родовата еднаквост при номинирањето на кандидати за градоначалници. Ѓулистана Марковска е непартиски кандидат, човек кој ќе ги обедини граѓаните и ќе работи исклучиво во интерес на граѓаните, информираа партиите.