Сопствениците на куќата во Радишани тврдат дека Јанкуловска лаже кога вели дека инцидентот ноќта на изборите почнал поради сообраќајка. Во разговор за НОВА тие велат дека групата млади луѓе почнале да им се дерат под прозорот во куќата: „шиптари излезете да гласате, селете се од државата“. Според нивните тврдења, младите дошле од штабот на ВМРО ДПМНЕ кој се наоѓа веднаш до нивната куќа, а кои во моментот ја славеле победата на првиот круг од изборите.
Потоа излегол еден од сопствениците на куќата и почнала расправија надвор, по што според трдењето на Феми Зекири, толпата се втурната кон нив и тој и неговото семејство биле нападнат од 10-тина луѓе. Видеото започнува од моментот кога помладо лице дискутира со некого од куќата, по што потоа од куќата излегуваат уште две лица од кои едното го удира лицето кое разговара со член на семејството. Потоа истрчуваа толпа лица, по што настанува хаос во кој влетува и возило кое се втурнува во толпата. Евидентно е дека на почетокот на видеото недостасува една минута од снимката.
Велат дека во прилог на нивните тврдења се и снимките од безбедносните камери на нивната куќи. Со НОВА ги споделија снимките и граѓаните можат сами да видат што се случувало. Во видеото погледнете ја изјавата на Феми Зекири.
Вчера при оценката на изборниот тек, министерката за внатрешни работи Гордана Јанкуловска за настанот во Радишани истакна дека според информациите од МВР станува збор за сообраќајна несреќа која подоцна ескалирала во физичка пресметка, но не е поврзана со изборите.
Зекири тврди дека единствената сообраќајка која се случила вечерта била во моментот кога толпата се втурнала во нив со возило да ги прегази, за што сведочи и снимката, како што вели тој. Во инцидентот е повредена неговата мајка и син.