Семејството од Радишани пред чиј дом се одвиваше масовна тепачка ноќта по изборите тврди дека инцидентот започнал откако пред нивниот дом група млади кои славеле победа на првиот круг избори во штабот на владејачката партија почнале да извикуваат под нивните прозорци навредливи зборови како „Шиптари одете си од Радишани“ и „Шиптари излезете да гласате“. Феми Зекири, еден од членовите на ова семејество вели дека биле револтирани кога слушнале дека министерката за внатрешни работи рекла дека инцидентот го предизвикала сообраќајна несреќа. Тој вели дека затоа одлучиле снимките од безбедносите камери на нивната куќа да ги споделат со јавноста, кои можете да ги погледнете во видеото. Видеото започнува од моментот кога помладо лице дискутира со некого од куќата, по што потоа од куќата излегуваат уште две лица од кои едното го удира лицето кое разговара со член на семејството. Потоа истрчуваа толпа лица, по што настанува хаос во кој влетува и возило кое се втурнува во толпата. Од приложените снимки воочливо е дека недостасува една минута на почетокот на снимката. Погледнет го целото видео.
-Нека дојде министерката и нека види како се случи се. Малку им беше што не тепаа, ја тепаа и мајка ми, стара жена, па тргнаа и со кола да не прегазат. Нели е таа и наша министерка, на сите граѓани. Јас во Радишани живеам 40 години и никој не може да ми каже да се селам, вели Зекири.
Тој додава дека никогаш немал проблем со соседите, а дека и со луѓето од штабот на владејачката партија кој се наоѓа до неговата куќа до таа вечер немал никакви проблеми.
Зекири ја кани министерката Јанкуловска да дојде во посета на неговото семејство и да ги погледне снимките, па да види сама дали се случила сообраќајка или не.
Изјавата на Зекири, како и снимките од неговата мајка можете да ги погледнете во видеото погоре.
МВР вчера информираше за случката во Радишани во рамки на брифингот за изборниот процес објаснувајќи дека „Настанот во Радишани е сообраќајна несреќа која подоцна ескалирала во физичка пресметка, но не е поврзана со изборите“