Плановите на над стотици лица кои планираа да патуваат со возовите на Еуростар, кои сообраќаат меѓу Франција и Велика Британија под Ламанш, се нарушени поади дефект на една товарна композиција.
Возовите кои во моментот на дефектот се нашле во тунелот, останале таму пет часа, а подоцна сите поаѓања на возови се откажани. Најавено е дека подоцна во текот на денот сообраќајот во тунелот под Ламанш ќе се одвива нормално.
На патниците кои во моментот на дефектот се затекнале во тунелот и потоа во него престојувале со часови, им е делена храна и вода.
Минатиот месец удар на гром предизвика пожар на англиската страна на тунелот, поради што еден воз е вратен.
Велигденскиот викенд е еден од најфреквентните периоди во годината за возовите на Еуростар. Се предвидува дека овој викенд на таа релација ќе бидат регистрирани 130.000 патници.