Огромни нерегуларности и бројни злоупотреби го одбележуваат гласањето за парламентарните извори и вториот круг од претседателските избори, обвини опозициска партија на прес конференција која се одржа попладнево. Тие тврдат дека била нарушена тајноста на гласањето на болните лица, дека се вршеле притисоци врз затворениците да гласаат за една партија, а биле уценувани и лицата во геријатриските установи на кои припадници од една партија им се заканувале дека доколку не гласаат за нив ќе им биде ускратено правото на престој.
Партијата се пожали дека државни функционери уште вчера го нарушиле изборниот молк со тоа што објавиле резултати од гласањето на дијаспората.
-Грубо е прекршен членот 160 од Кривичниот законик, со вршење притисок врз вработени во администрацијата да гласаат за една партија. Уценувани се лица приматели на социјална помош, приматели на надомест за трето дете, приматели на надомест за нега од друго лице. Забележани се притисоци врз вработени во ЗК Пелагонија, вработени во РЕК Битола, вработени во администрацијата во повеке градови. Во Штип, на избирачките места 2269 и 2271 забележан е притисок врз гласачи. На сопственици на приватни фирми, кои не се членови и симпатизери на една партија испраќани им се писма со закана и забрана тие и нивните семејства да излезат на гласање. Такви се неколку случаи во Источна Македонија, рекоа од опозициската партија на денешниот прес.
Тие објавија и фотографии од нерегуларностите. На следната фотографија е потстетник за гласачите од Пустец кои според нив го подготвила една партија за тие да знаат точно да го заокружат кандидатот за кој треба да гласаат.
Партијата обвини дека стигале и закани до сопственици на приватни бизниси и нивните семејства, симпатизери на друга партија, на кои им се укажувало да не излегуваат на гласање.