Published: Saturday, October 16, 2021 19:06
Десетици илјади Италијанци учествуваа на денешните демонстрации во Рим против јакнење на фашизмот, една недела откако десничарските екстремисти упаднаа во седиштето на водечкиот италијански синдикат ЦГИЛ.
Протестот беше предводен од синдикалните лидери под мотото „Никогаш повеќе фашизам“, а организаторите тврдат дека учествувале околу 100.000 луѓе.
Лидерот на синдикатот ЦИСЛ, Луиџи Сбара изјави дека минатонеделниот напад на екстремната десница, предводен од партијата Нова сила „не остави друг избор“ освен доаѓањето на протести „обединети против сите форми на фашизамот“.
Сбара побара од властите брзо да ја забранат работата на партијата Нова сила.