Трајко Вељановски е повторно избран за претседател на парламентот. Вељановски беше единствениот предлог за оваа функција, а беше избран едногласно со 87 гласови „за“ и ниту еден „против“.
„Изразувам искрено задоволство што најсериозниот проект започнат во мојот прв мандат, ќе се реализира во полн обем во овој мандат. Ќе заврши реализацијата на еден историски проект. После повеќе од половина век, создаваме услови со кои Македонија добива репрезентативен, но и целосно функционален објект на македонското собрание, токму таков каков што имаат другите развиени држави и каков што и’ прилега на нашата татковина. Пратениците, новинарите, службата, меѓународните гости и граѓаните во полн обем ќе можат да го почувствуваат духот во оваа зграда-симбол на претставничката демократија“, рече во своето обраќање по преземањето на функцијата“, претседателот на Собранието Трајко Вељановски
Претходно, медиумите шпекулираа дека откако не им успеа волјата за консензуален претседател, ДУИ ќе го бара столчето на собранискиот спикер. Сепак, по постигнатиот договор за коалицијата со ВМРО ДПМНЕ, тие гласаа за Вељановски кому ова ќе му биде трет мандат како претседател на Собранието во парламентот.