СДСМ најавува тужба пред Управниот суд поради, како што велат, нелегалната верификација на мандатите. Тие ќе бараат од судот поништување на одлуката за верификација на мандатите бидејќи, како што велат, таа противуставна и противзаконска.
-Сето ова произлегува од препоставката на власта дека ние немаше да го издржиме притисокот и дека нема да истраеме. Досега беа дозволени вакви изјави од пратеници за откажување од пратеничкиот мандат и Собранието не ги верификуваше тие мандат. Имавме 3 такви случаи, меѓу кои и случајот на Зоран Заев од претходниот состав, велат од СДСМ.
Тие на брифингот за новинари објаснија дека на овој начин нивните кандидати од листите не само што имаат верификуван мандат против своја волја, туку мора и да се откажуваат од своите други работни места.
-Функцијата пратеник е неспоива според законот со други функции, како советник, градоначалник, доктор, професор, адвокат и слично. Сега, сите оние пратеници кои го одбија пратеничкиот мандат, мораат да се откажат и од другите работи бидејќи тие не се враќаат во парламентот, а мандатите им се верификувани и покрај оставките, вели потпреседателот на СДСМ Радмила Шеќеринска.
Тие го посочија примерот со Софија Куновска која беше на листата на кандидати во СДСМ, а е и советник во Градот Скопје. Таа се откажа од мандатот, но Собранието сепак и го верификуваше. На следната седница на Советот на Град Скопје е закажана точка на која ќе се бара одземање на советничкиот мандат поради неспоивост со функцијата пратеник, велат од СДСМ
Исто така, поради ова, во моментот на поднесување на тужбата до Управниот суд, СДСМ ќе бара и времена забрана за верификација на мандатите бидејќи оние кои ги одбиваат мандатите во меѓувреме можат да ги изгубат работните места.
Исто така, тие ќе бараат и времена забрана за одлуката за верификација на мандатите до одлучувањето која што, како што велат има сериозни импликаци врз работниот однос нивните пратеници кои поднесоа оставка