Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Македонските граѓани располагаат со 4,7 милијарди евра заштеда во банките-Одбележан светскиот ден на штедењето

0
By Mirjana on October 29, 2021 ЕКОНОМИЈА, ПОЛИТИКА
СПОДЕЛИ
Facebook Twitter LinkedIn Email
Published: Friday, October 29, 2021 15:33

Одбележувањето на Светскиот ден на штедењето, 31 октомври, денот кога се потсетуваме колку е важно да се има финансиска сигурност во вид на заштеда и долгорочно да се штеди за остварување на поставените цели, Македонската банкарска  асоцијација оваа година го организираше во хибриден формат.

На настанот пред најдобрите службеници во банкарскиот сектор за 2021 година се обратија претседателката на  Македонската банкарска Асоцијација д-р Маја Стевкова Штериева, министерот за финансии  д-р Фатмир Бесими, вицегувернерката на Народната банка м-р Ана Митреска и директорот на Фондот за осигурување на депозити Амир Шабани.

Претседателката на  Македонската банкарска Асоцијација, д-р Маја Стевкова Штериева, поздравувајќи ги присутните и честитајќи го празничниот ден изјави:

„Да се биде банкарски работник кој работи со население,  во денешно време, е многу различно од истата активност пред триесет години. Зошто токму 30 години? Го одбрав овој број бидејки асоцира на бројот на години на независнот на Република Северна Македонија, што впрочем и се прославуваше оваа година.  И ја користам оваа прилика индиректно да истакнам колку многу банките го унапредиле своето работење во делот на работа со население, што во големе мера придонело за континуирано зголемување на депозитите и зголемена доверба во банките.“

Таа исто така истакна дека:

„Денес Македонската банкарска асоцијација оперативно работи преку дванаесет комисии од разни области, во кои се вклучени повеќе од 200 врвни професионалци од банкарскиот сектор.

Овој силен стручен човечки потенцијал кој го поседува Македонската банкарска асоцијација, секојдневно работи за унапредување на интересите на целиот банкарски сектор, но исто така, ставен е на располагање на сите институции во делокругот на нашето работење, во интерес на нашите клиенти, а со тоа и на граѓаните на нашата држава.“

Напоменувајќи ги специфичните  економските текови во државата во услови на пандемија министерот за финансии, д-р Фатмир Бесими изјави дека годинава може да се достигне и повисоко ниво на раст од проектираниот од 4,1 процент раст на БДП. Притоа Бесими најави развој на финансискиот пазар.

„Ќе развиваме финансиски пазар кадешто граѓаните ќе имаат можност да ги вложат своите средства во разни инструменти, затоа што конкуренцијата е здрава за економијата, здрава за растот и за развој, што пак ќе значи подобри економски позиции за нашата економија“, истакна Бесими.

До 31 август вкупните депозити изнесуваат 63 проценти од Бруто домашниот производ.

Бесими порача дека е важно граѓаните да ги вложуваат своите слободни средства во банките бидејќи на тој начин не губат од својата вредност, а истовремено значат нови инвестиции и вработувања бидејќи банките тие средства ги алоцираат во бизнисите.

Зборувајќи за значењето на инвестициите Бесими се осврна на Планот за забрзан економски раст, каде инвестициите претставуваат клучна компонента во однос на моделот за раст.

Главната цел на Планот како што рече Бесими е  „бруто инвестициите од актуелните 30 проценти од БДП да достигнат ниво од 36,2 проценти, што значи само јавните инвестиции ќе достигнат една милијарда евра во текот на 2026 година“.

Пандемијата го зголеми штедењето и овој процес е глобален феномен, што се должи на три причини, посочи вицегувернерката на Народната банка, м-р Ана Митреска.

„Прво, и покрај рецесијата, расположливиот доход не претрпе намалување, делумно и заради фискалниот импулс за поддршка на платите и работните места. Понатаму, со оглед на природата на кризата, рестриктивните мерки и лимитирањето на движењето, дел од населението се соочи со принудно намалување на потрошувачката, пред сѐ потрошувачка на различни услуги, која е карактеристична за лица со поголем доход и со поголем капацитет и склоност за штедење. Трето, со оглед на тоа што сите идни економски текови се условени од исклучително неизвесната епидемиолошка крива, во ваков амбиент, мотивот на претпазливост има голема улога во однесувањето на штедачите“, истакна Митреска и посочи дека и кај нас депозитниот потенцијал се зголемува со релативно сoлиден интензитет од над 8% на годишна основа, со што динамиката на зголемување е многу слична онаа од периодот 2018-2019 година.

Директорот на Фондот за осигурување депозити, Амир Шабани изјави дека:

„Фондот за осигурување на депозити ја задржува улогата на гарант на депозитите на граѓаните во Република Северна Македонија и успешно придонесува во градење на довербата кон банкарскиот систем. Како еден од трите столбови на финансиска стабилност, институцијата континуирано и успешно соработува со Македонската Банкарска Асоцијација, како и со сите свои членки, банки и штедилници. Потврда за тоа е брзата и успешна исплата на последниот случај на исплата на обесштетување на депонентите од Еуростандард банка АД Скопје во стечај, која се одвива преку 4 банки исплатувачи.“

Признание за постигнати особени резултати во нивната работа оваа година добија 33 службеници од 13 банки, 2 штедилници, Клириншката куќа КИБС и Македонското кредитно биро.

одбележан денот на штедењето
Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.