Српски писател, академик и поранешен претседател на Југославија, Добрица Ќосиќ, почина денеска во Белград во 93 години.
Ќосиќ беше првиот претседател на Сојузна Република Југославија од 1992 до 1993. Во младоста бeше комунист, а во Втората светска војна се бореше во редовите на партизаните, која подоцна стана инспирација за неговото книжевно дело.
Од крајот на 1960-тите години почна да се спротивставува на политиките на Тито, пред се незадоволен со уставната реорганизација на Југославија, со што стана еден од најпознатите политички дисиденти.
На крајот на 1980-тите години беше еден од водачите и идеолози на српското националистичко движење во поранешна Југославија, како и приврзаник на Слободан Милошевиќ, со кого се разиде во средината на 1990-тите години.