Двајца се полесно повредени во експлозија после која изби пожар во фабриката Шел во Холандија, јавуваат тамошните медиуми.
Градоначалникот на Моердик, град во западна Холандија каде се наоѓа петрохемискиот погон на Шел, Јац Клијс изјави дека станува збор за изгореници, додека пак агенцијата АНП јави дека повредените се примени во болница и дека набрзо ќе бидат пуштени на домашно лекување.
Причините за експлозијата не се познати. По двете силни експлозии кои населението ги чуло синоќа околу 22.45, локалните власти јавиле дека чадот не е опасен за луѓето, но им советувале да не ги отвораат прозорците зашто е можно чадот да предизвика краткотрајна иритација на очите дишните патишта.
Овој комплекс на Шел се простира на 320 хектари, а таму се произведуваат синтетички влакна, латекс бои и антифриз.