Списанието „Physical Review Letters“ вчера објави дека соларната сонда Паркер, го допрела Сонцето. Астрофизичарите објавија дека соларната сонда Паркер на НАСА го направила она што некогаш се сметало за невозможно – а тоа е да се оствари реален допир со Сонцето.
На 28 април 2021 година, леталото стана прв објект направен од човекот што влезе во надворешната атмосфера на Сонцето, короната. Таа важи за екстремна средина, со силни магнетни полиња и температури повисоки од над еден милион степени Целзиусови, а тоа што останува мистерија е што короната е многу потопла од самата површината на Сонцето кое е со температура до 5500 °C.
Сондата помина пет часа потопена директно во плазмата на короната. Се очекува мерењата што таа ги направи да доведат до нови сознанија за физиката на короната и за формирањето на сончевиот ветер.
„Очекувавме дека, порано или подоцна, ќе наидеме на короната барем на кратко време“, изјави Џастин Каспер, главен автор на новата статија објавена во „Physical Review Letters“.
Следениот прелет на Паркер се очекува во јануари 2022 година, вселенското летало Паркер најверојатно повторно ќе помине низ короната, соопшти вселенската агенција.