Претставничкиот дом на парламентот на Федерацијата Босна и Херцеговина изгласа недоверба на владата на Федерацијата БиХ.
Иницијативата за изгласување недоверба на владата на Федерацијата БиХ ја покренаа Социјалдемократската партија на БиХ, Нермин Никшиќ, Сојузот за подобра иднина, ХДЗ 1990, и Хрватската демократска заедница на БиХ.
Тие бараа гласање тврдејќи дека владата на Федерацијата БиХ не го одразува актуелното мнозинство во парламентот.
Со изгласувањето на недовербата беа изгласани и неколку одлуки со кои на владата, додека таа е во технички мандат, и се ограничуваат овластувањата и и се оневозможува донесување на важни финансиски одлуки.
– Очекуваме дека претседателот на федерацијата БиХ, Живко Будимир ќе постапи според заклучокот на Претставничкиот дом на парламентот на Федерацијата БиХ и дека што поскоро ќе покрене процедура за именување нова влада, изјави Никшиќ.
За изгласување на недоверба гласаа 58 од 98 пратеници, колку што ги има во Претставничкиот дом.