Демократскиот Сојуз како дел од колачот на власта, на подарок од СДСМ – ДУИ долгогодишно го имаше ЈП Градски паркинг во свое владение, а за возврат обезбедувале привилегии, повластувања за функционери на власта, обвинија од ВМРО-ДПМНЕ.
ЈП Паркинзи било претворено во своевиден штаб на Демократскиот Сојуз, со тоа што службени возила, телефони и простории биле на дофат на партијата. Директори, министри, функционери, разни раководни кадри со години паркирале бесплатно низ Скопје, користеле повластена позиција, на сметка на граѓаните, а тоа им го овозможувале директорите на паркинзи од Демократскиот Сојуз,тврдат од опозициската ВМРО-ДПМНЕ.
– Оставам простор од 24 часа, за одговори од Демократскиот Сојуз и од поранешното раководство на ЈП Паркинзи. Доколку молчат ќе ги објавиме списоците со сите регистарски таблички за привилегираните функционери, ослободени од плаќање паркинг во Скопје, а коишто до нас ги достави укажувач, изјави Наум Стоилковски, портпарол на партијата.