Украинската репрезентација го освои првиот медал на Зимските олимписки игри во Пекинг. На денешните натпревари во скијање слободен стил, Александар Абраменко освои сребро во акробации и на Украинците им го донесе првиот трофеј на Игрите.
Меѓу првите кои му честита на Абраменко беше Русинот Илја Буров кој стигна до бронзениот медал.
Раководството на Министерството за спорт на Украина, претходно, им препорача своите спортисти и тренери на Олимпијадата во Пекинг да не стојат покрај Русите кога тие во раце го држат знамето на Рускиот олимписки комитет.
Денешниот гест на двајцата спортисти, сепак, покажа дека во спортот и Олимпијадите нема место за политиката.