Градоначалникот на општина Центар Андреј Жерновски и советниците од групата предводена од опозициската СДСМ ја напуштија седницата на која што денеска треба да се гласаат двата спорни детални урбанистички планови Градска четврт – Капиштец и Тасино Чешмиче – Водно.
„Се продолжува да се работи незаконски. Граѓаните јасно ќе видат кој учествува во оваа
работа, кој утре ќе биде одговорен за тоа што ќе се случува на падините на Водно. Тој што ќе остане и ќе гласа за ДУП-овите ќе остане да живее со својата совест“, рече градоначалникот Жерновски.
Координаторот на советничката група предводена од СДСМ, Игор Алаџајковски во изјава се придружи кон образложението на Жерновски за напуштањето на седницата.
Претходно, Жерновски и советниците бараа да се тргнат од дневен ред трите спорни ДУП-а. Е единствено беше тргнат ДУП-от Мал Ринг на пра едлог на советничката група на ВМРО ДПМНЕ откако претседателот на Советот Мирослав Шиповиќ најави дека тој нема да гласа за измени кои ќе значат продолжување на Скопје 2014.
Откако Шиповиќ гласаше воздражно на предлогот на Жерновски и советниците, овие точки останаа на дневниот ред.