Министерот за образование и наука Јетон Шаќири денеска оствари протоколарна средба со амбасадорката на Соединетите Американски Држави во Северна Македонија, Кејт Мери Брнз, на која се разговараше за тековните активности и состојбата во образованието, продлабочување на соработката во сите области и за идните планови за развој на националниот образовен систем.
-Министерот Шаќири ја запозна амбасадорката Брнз со состојбата поврзана со процесот на дигитализација на образованието, како и со реализацијата на реформите во основното образование, при што се заблагодари на Владата и граѓаните на САД за досегашната помош и поддршка за имплементирање на светските трендови во училиштата во државата. Шаќири истакна дека САД е важен партнер во реализација на неколку важни проекти кои МОН ги реализира со агенции на Владата на САД, како и со Мировниот корпус кој повеќе од две децении успешно работи на проекти кои помагаат во развој на заедниците во земјава, информира Министерство за образование и наука.
Амбасадорката на САД Брнз, се посочува во соопштението, истакна дека американскиот народ и Влада се подготвени за продлабочување на соработката во сите сегменти на развој на македонскиот образовен систем, при што додаде дека и во иднина ќе продолжи поддршката која и досега е на високо ниво.