Неколку дена по новото задолжување од половина милијарда евра, Владата најавува ново покачување на пензиите и на платите во јавниот сектор. Ова денеска го најави вицепремиерот и министер за финансии Зоран Ставревски објаснувајќи дека платите ќе пораснат во Октомври, додека покачувањето на пензиите ќе се случи следната година.
-Во вакви времиња кога во другите земји има непопуларни и тешки мерки кои го влошуваат стандардот на граѓаните ние успеваме да се справиме со тешки предизвици и да обезбедиме реален пораст на примањата кои се финансираат од Буџетот, се пофали Ставревски.
Меѓудругото, вицепремриерот ги коментираше и намерите на српската влада која со планираниот ребаланс за септември планира да ги скрати пензиите и платите во јавниот сектор за околу 10 проценти. Српскиот премиер оваа мерка ја образложи со потребата од одржувањето на макроекономска стабилност.
-Во вакви времиња кога во другите земји има непопуларни и тешки мерки кои го влошуваат стандардот на граѓаните ние успеваме да се справиме со тешки предизвици и да обезбедиме реален пораст на примањата кои се финансираат од Буџетот, рече Ставревски коментирајќи ги состојбите во Србија.
Минатата недела во Македоноја помина во знакот на бурни случувања на економски план. Најпрво Владата одлучи да издаде еврообврзница од половина милијарда евра со камата од речиси 4 проценти – пари кои ќе доспеат за плаќање во 2024 година, а чија намена ќе биде исплаќање на дел од старите евробврзници, како и покривање на буџетските потреби за следната година. Потоа, во итна постапка се донесе законот според кој сите граѓани кои работат хонорарна работа или со договор на дело ќе имаат обврска на крајот од годината приходите да ги пријават во УЈП и на нив да платат и пензиско и здравствено осигурување. Министерот за економија дури и во изјава на прес конференција на Владата истакна дека ваквата мерка „ќе влијаела позитивно на полнењето на пензискиот фонд“. Од друга страна, Фондот за здравство го објави годишниот извештај во кој открива дека здравствените установи имаат долгови од 65 милиони евра кои што едвај стигаат да ги сервисираат, а некои болници и установи работат со блокирани сметки. И годинешниот буџетски дефицит беше покриен со кредит од Дојче Банк.