Пензионираниот руски воен офицер Игор Стрелков, кој стана лидер на сепаратистите во Источна Украина, а е осомничен за соборувањето на летот МХ7 на Малезија ерлајнс, наводно, бил вмешан и во 1992 кога Србите извршиле етничко чистење на муслиманите во источниот босански град Вишеград, пишува Интернешнл бизнис тајм.
На сликата погоре прикажани се младиот Игор Гиркин, познат под псевдонимот Игор Стрелков, во Вишеград со уште еден руски платеник и Бобан Индиќ – член на Српската бригада која го стави под опсада градот, а кој се имплицира како ветеран и на Советскиот Сојуз и на руската војска во погромот на бошњачките (босански Муслимани) цивили.
Најмалку 3.000 муслимани беа масакрирани во овој источен босански град. Муслиманите мажи беа уапсени и убиени. Стотици жени биле уапсени и масовно силувани во бањата, од неславниот Вилин Влас. Жени, деца и постари луѓе биле затворени во куќи и изгорени до смрт.
Игор Стрелков е наречен „една од најмоќните сепаратистички фигури во источна Украина.” Тој е ветеран на Советскиот сојуз и на руската војска и е опишан како таен агент на Русија (ГРУ) за воено разузнавање. Тој бил и министер за одбрана на самопрогласената Народна Република Донецк.
Во време кога авионот на Малезија ерлајнс се урна, Стрелков објави соопштение на „Вконтакте“, што е руска верзија на фејсбук, преземајќи ја одговорноста за нападот.
– Ние ги предупреди да не летаат во”нашето небо”, пишува тој.
Ваквата објава подоцна беше избришана од социјалната мрежа.
Подоцна, Стрелков тврдеше дека труповите во близина на остатоците од летот МХ17 починале ден пред авионот да падне. Според бунтовнички веб-сајт „Рускаја Весна“, лидерот кажал на луѓе на местото на настанот во источна Украина дека „значителен број на тела биле исцедени од крв и се во распаѓање.”
Босанските медиуми објавија слика на Стрелков во Вишеград, заедно со пензионираниот армиски офицер, Азиз Тафро, кој потврди дека рускиот националист учествувал и во српската агресија во Босна.
Во извештајот се вели дека Стрелков се борел во Вишеград како член на Козаците и тогаш бил прераспределен во областа на Сараево. Тафро е слободен истражувач кој ја објави книгата на руски и грчки доброволци во армијата на босанските Срби.
Стрелков, бил присутен за време на руската анексија на Крим, и бил вмешан во конфликтите во Чеченија и Транснистрија (руска отцепена република во Молдавија). Тој беше обвинет од Украинските власти зо тероризмот и во моментов е санкциониран од страна на Европската Унија.