Published: Wednesday, March 16, 2022 13:57
Градоначалникот на Скадовск, пристаништен град во регионот Херсон во Украина, е киднапиран, објави украинскиот министер за надворешни работи, Дмитро Кулеба на Твитер.
Александар Јаковљев и неговиот заменик Јуриј Паљух биле наводно земени од руските сили.
Но, градоначалникот Јаковљев се јави преку апликацијата Телеграм дека тој, сепак, е пуштен по разговорот со руските сили и ги замоли граѓаните да не паничат.
Украинците претходно објавија дека се киднапирани и градоначалникот на јужниот град Дњепрорудне, Евгениј Матвиејев и градоначалникот на Мелитопол, Иван Федоров.





