Спасувачките екипи ги пребараа урнатините во Њу Орлеанс во текот на ноќта, откако градот беше изложен на силно торнадо, при што загина најмалку едно лице, а уништени се куќи и далноводи.
Силното торнадо уништи згради и преврте голем број возила во областа Араби. Шерифот на округот, Џејмс Полман изјави дека неколку луѓе се повредени, а едно лице го загубило животот.
„Штом малку ја расчистиме областа, ќе испратиме повеќе луѓе да ја пребаруваат“, рече тој пред новинарите, додавајќи дека противпожарните екипи спасиле неколку блокирани луѓе.
Весникот „Вашингтон пост“ објави дека жртва на торнадото е 26-годишно момче кое спасувачите го пронашле пред неговата куќа.
A large tornado ripped through New Orleans, killing at least one person, destroying homes and knocking down power lines, media reported, a day after twisters struck parts of the deep South https://t.co/R3X47UBMY5 pic.twitter.com/WMPj0YS2CW
— Reuters (@Reuters) March 23, 2022
Поголем дел од јужна Луизијана сè уште се опоравува од ураганот „Ајда“, бура од четврта категорија што минатиот август ги уништи руралните заедници дури до јужниот дел на Њу Орлеанс, при што загинаа над 100 луѓе во неколку американски сојузни држави и на Карибите.
Градот сè уште има последици од ураганот „Катрина“ во 2005 година, една од најсилните бури во американската историја, која однесе најмалку 1.800 човечки животи.