Published: Thursday, March 31, 2022 22:37
Вечерва се затворат вратите на Експо 2020 Дубаи, а за Република Северна Македонија се отворат нови можности. На нашиот павилјон во Дубаи успеавме да имаме над 400 илјади посетители, а со тоа нашата земја веќе е повидлива, по препознаена и поактуелна во Обединетите Арапски Емирати, во Блискиот Исток но и во целиот МЕНА регион, напиша на својот фејбук профил Министерот за надворешни работи Бујар Османи.
– За време на најголемиот настан во историјата на ЕКСПО-а, во Дубаи, успеавме да имаме десетици различни политички, економски и културни настани. Беа организирани бизнис конференции во делот на привлекување на странски инвестиции, промоција на туристичките капацитети, инвестиции во енергетиката, слободните трговски зони, земјоделството, ИТ индустријата, напиша Османи.
Османи потенцираше дека е воспоставена мрежа на соработка помеѓу стопанските комори од Северна Македонија и стопанските комори на ОАЕ, а со посетата на највисокото раководство на Република Северна Македонија, беше овозможено да се зајакне досегашната билатералната соработка со Обединетите Арапски Емирати во многу области, а секако да се отворат и нови врати на идна соработка.
– Шестмесечното преставување беше голема одговорност со многу предизвици, вложен труд и енергија, но голема поддршка и благодарност оди за на нашиот тим и нивниот беспрекорен ангажман кои на најдобар моќен начин ја преставија Република Северна Македонија, вели Османи.
ЕКСПО 2020 Дубаи беше отворен на 1 октомври 2021 година, и се затвори на 31 март 2022 година, со учество на 192 земји.