Пописните резултати во делот на религиската припадност се изменети.
Новата табела за верската определба на населението во земјава е различна од првично објавената, од дента кога беа соопштени резултатите.
Највпечатлива е промената на бројот на атеисти. Од првичната бројка на 355 лица кои се изјасниле како атеисти, сега бројката е 8764.
Од друга страна ја нема графата Евангелско-протестантски христијани, која броеше исто толку попишани 8764 лица. Во новата табела се избришани, или не се прикажани лицата чија верска опрделба е помала од 500, па така ја нема ниту графата за Евреи.
Директорот на Државниот завод за статистика одговор најави за во понеделник.
„Ќе провериме за што станува збор и ќе бидете известени во понеделник, најверојатно се работи за техничка грешка, но мора да провериме“, рече Апостол Симовски директор на ДЗС.