Портпаролот на Кремљ, Дмитриј Песков призна дека руските загуби во Украина се „значителни“. Во интервју за „Скај њуз“, тој призна дека војната е „голема трагедија“ за Русија и оти „загубите се значителни“.
Песков рече дека историјата на Украина е променета од 2014 година за време, како што рече, на „илегалниот пуч“.
„Украина стана анти-руска. Сè што се случи во Украина по тоа беше насочено против нашата земја“, рече Песков и додаде дека „Русија со децении е загрижена за сопствената безбедност“.
На прашање на новинарот, дали војната се покажа како понижување за Русија со оглед на бројот на загинати војници, Песков одговори „не, тоа е погрешна слика на она што се случува“.
Но, веднаш потоа призна „имаме значителна загуба на војници и тоа е трагедија за нас“.