Можам да ви кажам дека обдукцијата е во тек. Сите информации од обдукцијата ќе му бидат пренесени на надлежниот Обвинител, вели Станков
Во тек е обдукцијата на телото на младиот ракометар на РК Бутел, Денис Тот, пренесе телевизија Сител.
Директорот на Институтот за судска медицина, д-р Александар Станков, вели дека наодите ќе бидат предадени на Јавното обвинителство.
– Можам да ви кажам дека обдукцијата е во тек. Сите информации од обдукцијата ќе му бидат пренесени на надлежниот Обвинител, вели Станков за Сител.
Како што вчера објавивме, лекарска екипа на Службата за итна медицинска помош во Скопје го пронашла ракометарот Денис Тот, вчераутро пред дискотека во Градскиот парк, откако од непознат телефонски број околу 4 часот го примиле повикот за интервенција.
Братот на Денис, Борис Тот преку социјалните мрежи синоќа објави дека причината за смртта на 27-годишниот ракометар е срцев удар.
– Денис почина од срцев удар, а не од какви било телесни повреди, тепачка или останати глупости кои беа пишувани во текот на целиот ден, вели Борис.