Три години затворска казна за обвинетиот Јордан Ѓорѓиев пресуди судечкиот совет на Кривичниот суд во Скопје. Тој претходно призна вина за сообраќајната несреќа кај „Сити мол“, во која загина 24 годишната Викторија Николова, а повредено беше нејзиното момче Леонид Даов. Според обвинението, тој возел со брзина од 67,3 километри на час, што е 17,3 километри на час повеќе од пропишаната брзина.
Адвокатот Душко Јанковиќ по изрекување на пресудата изјави дека ќе се жали на продолжувањето на притворот, но нема да се жали на вистинита на казната од три години затвор за возачот кој ја усмрти младата девојка. (С.М.)