Проруски сепаратисти соопштија дека го отвориле доставувачкиот коридор помеѓу опколените области на Донецк и Луганск, пренесоа агенциите.
Следната цел на сепаратистите во борбите со украинските сили е да ја соборат блокадата на Луганск, рече новиот водач Александар Захарченко , цитиран од Интерфакс. Граѓани на Донецк соопштија за тежок напад во голем број области на градот.
Украинскиот Совет за национална безбедност и одбрана соопшти од Киев дека воените дејствија ќе продолжат некое време, бидејќи мастеринг на реоните, заземен од бунтовниците, не може да се заврши за неколку дена.
Истовремено украинските војници ја засилија опсадата на Горловка, бастион на бунтот, кој се наоѓа на 45 км од Донецк.
Условите за живот на луѓето во Донецк иЛуганска се влошуваат, информираа локалните власти. Над 200 000 луѓе во Луганцк се без електрична енергија и вода две недели. Цената на аналгинот се зголемила 10 пати, надминувајќи ја онаа на лебот, соопшти РИА Новости, повикувајќи се на локални медиуми.
Многу лекови веќе не можат да се најдат во аптеките, ниту во обласната болница, каде што се однесени повредените. Според официјалниот сајт на градскиот совет поскапеле не само лекови, туку и храната. Цените скокнаа со 30-50%, овошје воопшто нема, а за леб се чека во редици со часови. Над 40 000 граѓани на Донецк исто така се без електрична енергија, наведува ДПА. Владите на Украина и Русија испратија хуманитарни конвои за двете области.