Мандатарот на Црна Гора Дритан Абазовиќ го претстави концептот на нова малцинска влада која според најавите ќе има 20 министри и четворица потпретседатели.
Се очекува новото мнозинство следната недела да се најде на седница на Собранието на која би била потврдена владата.
„Сега е на пратениците, на нив е да одлучат кога ќе се одржи седницата. Што се однесува до мене, можеби ќе биде утре, но празник е, па пореално е да биде следната недела“, рече Абазовиќ на прес-конференцијата, претставувајќи го концептот на идната влада, за која рече дека ќе се базира на два столба – владеење на правото и економски развој.
Очекувам поддршка од 46 пратеници“, рече Абазовиќ. Тој рече дека „идејата е Црна Гора да добие стабилност, помирување и европска перспектива наместо политичка нестабилност“.
Заедно со граѓанското движење УРА, предводено од Абазовиќ, владата ќе ја сочинуваат Социјалистичката народна партија, социјалдемократите и малцинските партии, додека Демократската партија на социјалистите на претседателот Мило Ѓукановиќ ќе ја поддржи без учество.
На актуелната влада на премиерот Здравко Кривокапиќ во парламентот на почетокот на февруари и беше изгласана недоверба.