Во однос на тоа дали ќе има повторно зголемување на цената, Ташков додава дека зависи од светските берзи, но во моментов, според него, кризата со зејтинот се смирува поради увозот од Србија и апелира граѓаните да не прават залихи.
Фабриката „Брилијант“ донела одлука да ја зголеми цената на маслото за јадење за 20 денари и едно шише сега се продава по 135 денари. Директорот на фабриката, Коста Ташков, изјави дека новата цена е резултат на покачувањето на суровината. Со оваа зголемена цена, маслото за јадење од овој производител се изедначи со цената на останатите производители во земјата.
Новото сурово масло кое е набавено од Бугарија, Романија и Украина, како што наведува Ташков за МИА, чини околу 2.200 евра за еден тон, а пред три до два месеца цената се движела од 1.200 до 1.500 евра за тон.
Во однос на тоа дали ќе има повторно зголемување на цената, Ташков додава дека зависи од светските берзи, но во моментов, според него, кризата со зејтинот се смирува поради увозот од Србија и апелира граѓаните да не прават залихи.