По неколку самоубиства меѓу персоналот, од кои три за помалку од една недела во април, над 200 морнари го напуштија американскиот носач на авиони „Џорџ Вашингтон“. Морнарите беа прекачени во објект на американската морнарица додека носачот на авиони на нуклеарен погон „Џорџ Вашингтон“ го продолжува долгорочниот процес на полнење гориво и ремонт на бродоградилиштето во Њупорт Њуз, Вирџинија.
Во текот на изминатите 12 месеци, седум членови на екипажот загинаа, вклучително и четворица кои се самоубија, што ја поттикна морнарицата да отвори истрага за климата и културата на командување на носачот од класата Нимиц.
Командантот на носачот на авиони, капетанот Брент Гаут, одлучил да им дозволи на морнарите кои живеат на бродот да се преселат во други сместувачки единици, јавува Си-Ен-Ен. На првиот ден од преселбата, во понеделникот, повеќе од 200 морнари го напуштија „Џорџ Вашингтон“.
Според соопштението на морнарицата, планот за преместување ќе продолжи се додека сите морнари кои сакаат да се преселат не го сторат тоа“, се вели во соопштението на американската морнарица.
На носачот на авиони со капацитет од околу 5.000 морнари, околу 2.700 морнари се уште работат на бродот за време на процесот на ремонт, од нив 420 трајно престојуваат таму. Адмирал Џон Мајер, командант на американската морнарица Атлантик, изјави за новинарите дека резултатите од истрагата за смртта на морнарите се очекуваат оваа недела.
„Со цел да одговори на дури три самоубиства во април, морнарицата испрати тим експерти во Џорџ Вашингтон, вклучувајќи психолог, советници и специјален тим од 13 лица за такви случаи“, рече Мајер.
( Преземено од РТС)