Промовирана физибилити студијата за изградба на панорамска трамвајска линија „Цареви
Кули“, во рамките на проектот „Грантова шема за поддршка на Југоисточниот плански
регион“ финансиски поддржан од програмата за регионален економски развој на ГИЗ -РЕД.
„Ова е прва студија за ваков транспортен систем. Сметаме дека според резултатите кои што ги добивме, овој проект е економски оправдан и истиот ќе допринесе за развојот на туризмот и воопшто на регионот и од домашни и од странски туристи. Сметаме дека проектот во делот на економската проценка со техничките решенија за трасата кои ги предложивме би бил корисен за граѓаните на општината и Југоисточниот плански регион“, рече Зоран Кракутовски, професор на Градежниот факултет во Скопје.
За градоначалникот на Струмица Зоран Заев, ваквиот потфат испраќа силни пораки за нова
потенцијална можност за развој на туризмот во Струмица и целиот Југоисточен регион во
Македонија.
„Во наредните дваесетина денови ќе организираме донаторска конференција во
канцеларијата на Европската унија во Скопје каде што ќе ги повикаме сите потенцијални
донатори кои постојат и функционираат во Македонија за да видиме евентуална привлечност за финансирање на проектот или партиципирање во финансирањето, за да
знаеме како понатаму со другите можности кои ни стојат на располагање, како, јавно –
приватно партнерство и секако на крајот стопроцентно финансирање од буџетот на општина
Струмица“, рече Заев.
Струмичкиот градоначалник истакна дека ова е едно од неговите ветувања дадени пред
граѓаните на општина Струмица на последните локални избори.