Нацрт одлуката на американскиот Врховен суд за абортусот, што протече во јавноста овој месец, може да значи дека, судот, по него, ќе се сврти и кон истополовите бракови, правото на контрацепција и на другите права, изјави претседателот на САД, Џо Бајден.
„Запомнете ги моите зборови: тие ќе тргнат и на одлуката на Врховниот суд за правото на истополови бракови“, нагласи Бајден на собир на донатори во Чикаго, додавајќи дека и контрацепцијата, исто така, ќе се најде на удар.
„Таквите одлуки ќе бидат достапни за сите и ќе предизвикат дополнителни поделби во Соединетите Американски Држави. Ќе се расправаме за работи околу што не би требало да има расправии“, истакна Бајден.
Откако протече нацртот од мнозинското мислење на судскиот совет, што сугерира оти Врховниот суд наскоро може да ја поништи пресудата на „Ро против Вејд“ од 1973 година, со која е легализиран абортусот, Бајден излезе со апел. Американскиот претседател апелираше гласачите да го заштитат правото на абортус, така што на изборите во ноември, ќе гласаат за кандидати, кои го поддржуваат тоа.