Швајцарија му гарантира сигурност на Едвард Сноуден доколку дојде да сведочи за шпиунските активности на НСА(Агенција за национална сигурност на САД), известуваат швајцарските медиуми.
Главниот швајцарски обвинител изјавил дека на Сноуден може да му биде загарантирана безбедноста доколку дојде во државата да сведочи.
Во Документот каде што стои кои правила треба да се почитуваат доколку Сноуден дојде во Швајцарија, а САД побара да се испорача, се вели дека државата нема да го испорача американскиот државјанин доколку барањето за негово испорачување е политички мотивирано, објави швајцарската новинска агенција АТС.
Во заклучокот стои дека неговата безбедност ќе биде гарантирана, ако обвинувањата против него се исклучиво политички мотивирани.
Се смета дека правните задолженија се исполнети, а Сноуден покажал интрес да сведочи. Експертите велат дека со ова е можно Сноден да добие и азил во оваа држава.
САД го бараат Сноуден за шпиунажа откако ги објави документите за доверливите операции на НСА, кои покажуваат дека Агенцијата шпиунирала многу високи државни функционери од цел свет.